प्रेस विज्ञप्ति 2069/05/11

धरान नगरपालिकाले आर्थिक वर्ष 2069/70 देखि लागु हुने गरी गरिएको एकीकृत सम्पत्ति करको विषयलाई लिएर मिति 2069/05/08 गते राष्ट्रिय जनमुक्ति पार्टी (लिम्बुवान राज्य परिषद्) का प्रतिनिधि सहित विभिन्न 9 वटा संस्थाहरूको प्रतिनिधिको नामबाट जारी विज्ञप्ति सम्बन्धमा धरान नगरपालिकाको ध्यानाकर्षण भएको छ । यस सम्बन्धमा नगरपालिकाको मिति 2069/05/11 को सर्वदलीय बैठकको निर्णय अनुसार देहाय बमोजिम जानकारी गराउँदछौ  ।


धरान नगरपालिकाले हाल लागु गरेको एकीकृत सम्पत्ति कर सम्बन्धमा पुनरावेदन अदालत विराटनगरमा मुद्दा दायर भई विचाराधिन अवस्थामा रहेको र सो सम्बन्धमा अदालतको निर्णय नआएसम्म नगरपालिकाबाट कुनै निर्णय तथा छलफल हुन नसक्ने र अदालतको मर्यादालाई ध्यानमा राखि संघर्ष समिति वा अन्य कुनै नामबाट  यसका विरुद कुनै कार्यक्रम नगरी दिनु हुन सम्बन्धित सबैमा अनुरोध गरिन्छ ।